Ano ang mas pinapanood ninyo?

Monday, September 8, 2008

Kili-kili ni JC, pinagnanasaan


Kili-kili ni JC, pinagnanasaan

SA Planet Xanadu gay bar (#27 Chico Road, Potrero, Malabon City) kinu­nan ang macho dancing scenes ni JC de Vera sa ‘Pretty Boy’ episode ng Obra (Huwebes nang gabi sa GMA 7).
Aminado si JC na nailang siya sa eksenang gumigiling-giling siya sa entablado nang topless at maiksing maong shorts lang ang suot.
First time niyang ginawa ang pagma-macho dancing kaya sa set ay tinuruan siyang magsayaw ng mga tunay na macho dancer.
Walong MD ang nagsilbing back-up dancers sa una niyang production number na sumayaw siya sa saliw ng kantang Hot Stuff.
Binantayan siya ng direktor na si Rodolfo ‘Jun’ Lana Jr. para maging senswal ang dating niya habang gumigiling sa stage.
Sabi ni Direk Jun, nagkaroon ng transformation ang karakter ni JC. Kung nu’ng una na baguhan pa lang ito ay parang nahihiya itong sumayaw, later on ay humusay na ito sa paggiling at kapiranggot na tapis na lang ang suot.
Nu’ng presscon ay tutok na tutok ang press people sa big screen nang ipalabas ang trailer ng nasabing macho dancing scenes ni JC. Mahaba at babad ang eksena kaya ‘nag-init’ ang ilang baklitang reporter sa napanood nila.
Natawa si JC nang biruin naming pinag-i­nit niya ang pakiramdam ng mga gay reporter sa mapangahas niyang eksena.
Handa na ba siyang pagpantasyahan ng mga babae’t bading?
“Well, kung ano’ng mapanood nila, so be it. ‘Yun na ‘yon. Kumbaga, thankful ako kung magustuhan nila. Okey lang ako. Basta ang alam ko, ginawa ko nang maayos ‘yung trabaho ko. Kung pagpantasyahan ako, okey lang,” napapangiting sey ng guwaping na si JC.
Matutuwa ba siya kung mas marami pang bading ang mag-init sa kanya kapag napanood ang eksenang ‘yon dahil ibig sabihin ay effective ang ginawa niya?
“Syempre, magiging sobrang thankful ako sa lahat. Kasi, nagbunga ‘yung ginawa ko, ‘di ba? Na-please ko ‘yung viewers, so hintayin na lang natin…”
Paano kung after siyang mapanood sa episode na ‘yon ng Obra, imbes na sa mukha niya tumi­ngin ay sa bandang ibaba na siya titigan ng mga bading? Maku-conscious ba siya?
“Oo siyempre, maku-conscious ako. Basta ako, ginawa ko ‘yung work ko. Okey na ako roon,” aniya.
Dahil panay ang taas ng braso ni JC habang animo’y nang-aakit siyang gumigiling sa stage, ang isang narinig naming comment ng mga bading ay parang ang sarap-sarap daw dilaan ng kili-kili ng young actor…
“Ayokong mag-comment sa gano’n. Ha! Ha! Ha!” tawa ni JC, na halatang nahihiya sa mga pilyong tanong.
Flattered ba siya sa mga ganu’ng comments sa kanya?
“Well, ano’ng choice mo? Magiging flattered ka ba o maiinis ka? Parang hindi mo alam, eh!” hirit niya, sabay tawa.
***
Ayon kay JC, ngayong nakagawa na siya ng gano’n ay mas open na siya for daring roles. Stepping stone niya ito para maging isang ganap na aktor.
Nilinaw niya na hindi ibig sabihin, ang kasu­nod nito ay tatanggap na siya ng gay roles na makikipag-gay love scenes siya sa kapwa niya aktor.
Ayaw ring magsalita nang tapos ng 22-anyos na young actor at sabihing hindi niya kayang gawin ‘yon in the future dahil hindi niya rin daw akalain na makakaya niyang mag-macho dancing.
Nauna nang mag-macho dancing si Dennis Trillo sa isang episode ng afternoon soap na Magdusa Ka. Kinabog ba ni JC ang ginawa roon ni Dennis?
“Hindi ko napanood si Dennis, eh! Mabait si Dennis, huwag n’yo na lang bigyan ng kulay. Wala, walang kinabog, walang mas maganda. Basta, mas mahaba yata ‘yung eksena ko,” sagot ni JC.
Dayalog ng manager niyang si Tita Annabelle Rama, si JC na ang next in line sa GMA after Ri­chard Gutierrez, wala nang iba pa. Ano’ng reaksyon niya?
“Tingnan po natin. Well, ako, hindi ako nakikipag-compete kahit na kanino. Meron lang akong inspirasyon siyempre, mga artistang tinitingala ko…
“Nandiyan si Richard, at saka sina Dingdong (Dantes) at Dennis. Syempre, kung anuman ‘yung naabot nila, gusto ko rin sanang maabot ‘yon. Pero para sa akin kasi, slowly but surely ako,” sambit pa ni JC.




JoKer DeTor
Showbiz Top i-News

Please send your comments, suggestions, and reaction to our email address...

sti_n23@yahoo.com

Please dont forget to put a comment on each article. Thanks!

Your thoughts are important to us. So be it!

No comments: